كيفاش تدير مونتاج احترافي بـ Claude و Remotion (غير بالهضرة)
ما تحتاجش Premiere ولا CapCut ولا حتى monteur. تقدر تقول لـ Claude «قسم الشاشة على زوج»، «دير zoom in»، «بدّل الـ background»… وهو يدير المونتاج بلاصتك. السر هو Remotion: أداة تخلي الفيديو يتصنع بالكود، و Claude يكتب الكود هذا على حسب واش تقولو.
Hook، split screen بالشرح، و CTA في الآخر: كلش مدار بـ Claude
كيفاش تخدم الفكرة؟
Remotion يخليك تبني الفيديو كيما صفحة ويب: كل نص، كل animation، كل zoom هو كود. Claude يفهم هاد الكود مليح، فأنت غير تشرحلو واش تحب بالدارجة، وهو يكتب ويعدّل، وفي الآخر يخرجلك فيديو MP4 واجد.
واش يلزمك
Claude مع إمكانية يخدم في dossier في الـ PC تاعك (Claude desktop ولا Claude Code).
Node.js مثبّت في الـ PC (من nodejs.org).
Remotion: مجاني للأفراد والشركات الصغيرة.
الفيديو تاعك مصوّر بالتليفون (9:16)، بصوت واضح.
الطريقة خطوة بخطوة
1. أصنع مشروع Remotion جديد. أفتح الـ terminal واكتب:
2. زيد الـ skills تاع Remotion لـ Claude، باش يعرف يخدم بيه بالطريقة الصحيحة (captions، animations، render):
هاد الخطوة تديرها مرة وحدة برك. من بعد Claude يستعملها في كل فيديو.
3. حط الفيديو تاعك في الـ dossier تاع المشروع، وقول لـ Claude يبدا: يقطع السكوت، ينقّي الصوت، ويكتب الـ captions بالدارجة. مثال:
« دير montage لهاد الفيديو reel 9:16، قطّع السكوت، نقّي الصوت، وزيد captions بالدارجة ستايل Blue Box مع hook قوي في البداية »
4. دوك قول واش تحب يصرا في كل لحظة، كيما تهدر مع monteur. هادو هوما الأوامر اللي استعملت أنا:
« قسم الشاشة على زوج، دير لي الفوق كيفاش نحسبو الفايدة الحقيقية للمنتج »
« دير لي الطريقة الصحيحة باش نديرو كرياتيف، ومراحل إنشاء الكرياتيف »
« دير لي الفوق شرح كيفاش ندير حملة إعلانية في Facebook »
Split screen: الشرح فالفوق ونتا لتحت، يتبدّل مع كل جملة
« دير zoom in… دير zoom out »
« شانجي الـ background… رجّع الـ background الأصلي »
Zoom in وتبديل الـ background بلا green screen
« دير لي هنا montage محلي وهنا montage سينمائي »
5. شوف النتيجة قبل ما تخرّج الفيديو، ومن بعد دير الـ render:
إذا كاين حاجة ما عجبتكش (كلمة غالطة في الـ caption، لون، توقيت)، قولها لـ Claude بالدارجة وهو يصلّحها، ومن بعد عاود الـ render.
6. صدّر الفيديو وانشرو. للإنستغرام خليه تحت 30 ميغا بـ ضغط مليح، وزيد trending audio بصوت خفيف (10%).
نصايح باش يخرج احترافي
Hook في أول 3 ثواني: عنوان كبير بسؤال ولا وعد قوي.
بدّل حاجة كل 2 حتى 4 ثواني: zoom، شرح، sticker… باش الناس ما يزقّوش.
الـ captions كلمة ولا جوج في المرة، والكلمة اللي راك تقولها ملوّنة.
اختار ستايل واحد وكمّل بيه باش الناس يعرفو الفيديوهات تاعك: Blue Box، أصفر وكحل، ولا Neon.
كمّل بـ CTA: «اكتب كلمة في التعليقات ونبعثلك…»، هادي تجيب commentaires بزاف.
راجع الـ captions بعينك: الـ AI ساعات يغلط في الدارجة.
الخلاصة
Remotion + skills ← تحط الفيديو ← تقول لـ Claude واش تحب بالدارجة ← studio تشوف ← render ← reel احترافي بلا ما تحل حتى برنامج مونتاج.
حب الطريقة كاملة؟ اكتب «Claude» في التعليقات
@karim_haned