كيفية ضبط إعدادات إعلان الفيسبوك لزيادة المبيعات

إعلانك يعاود يظهر لنفس الناس؟ وصّلو لناس جداد بـ Value Rules

بزاف تاع الحملات تبدا مليح ومن بعد الإعلان يولي يدور على نفس الناس، والتكلفة تطلع. فـ Meta Ads كاين إعداد اسمو Value rules يخليك تقول لـ Meta: عطيني أولوية للناس الجداد اللي ما يعرفوش البراند تاعي. في هاد المقال نوريك كيفاش تفعلو خطوة بخطوة، ومن بعد الإعدادات الأخرى اللي لازم تريغليهم باش يهبط الـ CPA.

واش هو Value rules؟

هو إعداد في مستوى الـ ad set يخليك تزيد الـ bid على جمهور معيّن. كي تختار New audiences، Meta تفهم باللي الناس اللي ماراهمش في الـ custom audiences تاعك (ما شراوش وما تفاعلوش) عندهم قيمة أكبر، وتصرف عليهم أكثر.

الطريقة خطوة بخطوة

1. أدخل للـ ad set تاعك، وفي خانة Value rules أضغط على Create a rule set

Value rules ← Create a rule set

2. تخرجلك نافذة تشرح الخاصية. أقرا الملاحظة، علّم على المربع ودوز على Create a rule set.

نافذة التعريف تاع Value rules

3. في الخانة الأولى تاع الـ criteria، أختار Audience.

Select criteria type ← Audience

4. في الخانة الثانية أختار Audience labels.

Select criteria ← Audience labels

5. في Select audiences أختار New audiences (الناس اللي ماراهمش في الـ custom audiences تاعك).

Select audiences ← New audiences

6. في Increase bid by اكتب النسبة. أنا درت 60%.

Increase bid by ← 60%

7. أضغط على Create. هكذا الإعلان يولي يدفع أكثر باش يوصل للناس الجداد.

Create

ملاحظة: Meta تقولك بصراحة باللي التكلفة على النتيجة تقدر تطلع كي تفعّل Value rules. جرّبها على ad set وحدة بميزانية صغيرة، وقارن النتائج مع ad set بلا rules لمدة 3 حتى 7 أيام قبل ما تعممها.

الإعدادات الأخرى اللي لازم تريغليهم

هادو 3 إعدادات لازم تبدّلهم قبل ما تطلق الحملة، باش البودجي ما يروحش في بلايص ما تجيبش كوموند.

1. Devices: حبس الـ Desktop

في الـ ad set، روح لـ Devices and operating systems. بدّل All devices (recommended) بـ All mobile devices. معظم الكوموند يجيو من التيليفون، والـ Desktop قليل وين يجيب.

قبل: Mobile و Desktop مفعّلين

من بعد: All mobile devices

2. Placements: خلّي غير Feeds و Reels

في Placements، خلّي Feeds و Stories, Status, Reels مفعّلين، وحبس:

• In-stream ads for reels
• Search results
• Apps and sites (Audience Network)

هادو البلايص قليل وين يجيبو كوموند. معظم الطلبيات يجيو من الـ feed تاع فيسبوك، والـ story والـ reels تاع انستغرام.

Placements: خلّي غير Feeds و Stories/Reels

3. Advantage+ creative: حبس التعديلات الأوتوماتيكية

في مستوى الـ ad، حبس All optimizations تاع Advantage+ creative (stickers، text improvements، video touch-ups…). هكذا Meta ما تبدلش الكرياتيف تاعك بلا ما تعرف. تقدر تحبسهم لكل الحملات من All tools ← Advertising settings.

Advantage+ creative ← حبس All optimizations

الخلاصة

• Value rules: أولوية للناس الجداد (New audiences +60%).
• Devices: All mobile devices.
• Placements: Feeds و Stories/Reels برك.
• Advantage+ creative: حبس التعديلات الأوتوماتيكية.

جرّب ديما على ميزانية صغيرة وقارن بالأرقام، ماشي بالتخمين.

عجبك المقال؟ تابعني باش توصلك الطريقة الجاية

@karim_haned