فيديو إعلاني لأي منتج من تصويرة وحدة بـ ChatGPT و Higgsfield
هادي بالضبط الطريقة اللي خدمت بيها فيديو الماسكارا. تصويرة تاع المنتج، جوج برومبتات، وتخرجلك فيديو UGC بالدارجة الجزائرية جاهز للإعلان.
واش يلزمك قبل ما تبدا
- تطبيق ChatGPT (تيليفون ولا كمبيوتر).
- كونت Higgsfield باشتراك. كل فيديو يخلص كريدي.
- تصويرة نقية تاع المنتج، يستحسن فوند بيض.
الخطوة 0: ربط Higgsfield بـ ChatGPT (مرة وحدة برك)
في ChatGPT روح لـ Plugins (ولا Apps)، قلّب على Higgsfield ودير Add، من بعد دخّل بالكونت تاعك في Higgsfield وقبل. تقدر زادة تروح مباشرة لـ higgsfield.ai/mcp.
الخطوة 1: حط تصويرة المنتج ونادي Higgsfield
أفتح شات جديد، دوز على + وحط تصويرة المنتج. من بعد اكتب @Higgsfield باش يتفعّل.
تصويرة المنتج + Higgsfield
الخطوة 2: طلب الستوريبورد
ابعث هاد البرومبت. Higgsfield يخدملك ستوريبورد عمودي 9:16 فيه 6 لقطات تاع شوتينغ احترافي للمنتج (تقريبا دقيقة).
Higgsfield AI storyboard for brand shoot
البرومبت مبعوث
Higgsfield يخدم الستوريبورد
الخطوة 3: حوّل الستوريبورد لفيديو UGC بالدارجة
حط الستوريبورد اللي خرجلك في الشات، وابعث هاد البرومبت. بدّل algerian darija باللغة اللي تحب.
Higgsfield/generate UGC style video according to the storyboard + algerian darija voix off
الستوريبورد في الشات
برومبت الفيديو
النتيجة
فيديو كامل فيه هوك، لقطات للمنتج، الفوائد مكتوبة، وفي اللخر كارت «اطلبيها دروك» مع الدفع عند الاستلام والتوصيل لـ 58 ولاية.
نصايح باش تخرج مليحة
- تصويرة واضحة وبإضاءة مليحة تعطيك ستوريبورد أحسن.
- إذا الستوريبورد ما عجبكش، عاود اطلبو قبل ما تخدم الفيديو. الفيديو هو اللي ياكل كريدي بزاف.
- زيد في البرومبت الأوفر تاعك (السعر، التوصيل، الدفع عند الاستلام) باش يبان في اللخر.
- خدم 2 ولا 3 نسخ وجرّبهم في الإعلانات، وخلي اللي يجيب كوموند بسعر أرخص.
عجبتك الطريقة؟ تابعني باش توصلك الجاية
@karim_haned